Desfrutando do Outono.

Durante este trimestre, aproveitamos a estación do outono para descubrir novas cores, texturas, olores... tomar conciencia do paso do tempo e os cambios na paisaxe que se van sucedendo co mesmo.

Descubrimos as aventuras do "Caracol Viaxeiro"

Axudamos ao esquío a atopar as súas follas favoritas e con el, fixemos a primeira toma de contacto coa  recta numérica.

Utilizamos as follas para desenvolver a capacidade de observación e de pensamento lóxico: falamos sobre as múltiples cores que vemos nas folliñas, diferenciamos "igual-distinta", clasificamos atendendo a un criterio (de forma ou de cor, neste caso), diferenciamos agrupamentos de "máis ou de menos" cantidades...

Traballamos as grafías dos números "0,1,2,3" asociados ás súas grafías.

 E aproveitamos para xogar coas cores e probar novas técnicas plásticas como son: estampado e líneas verticais...

Reforzamos a percepción táctil nos pés camiñando e brincando enriba de follas... 

Traballamos a prensión e a psicomotricidade fina debullando millo.

E con todo o millo que debullamos, fixemos máis actividades:

Instalación libre cos nosos compañeiros/as de Infantil.

Realizamos o noso nome.

Unha mesa sensorial para facer trasvases.

E traballamos a dramatización coa creación de marionetas do conto "Cocorico" de Oqo.